|
ALMANİYA TƏHSİL SEKTORUNA ƏLAVƏ KÖMƏK GÖSTƏRİR
IIZ/DVV-nin «Cənubi Qafqazda orta və yaşli nəslin təhsili» layihəsi çərçivəsində
Yaradıcı Qadınlar Assosiasiyası ilə «Əlillər üçün yaradici sənətlər»
layihəsi həyata keçirilmişdir
Avropa ölkələrində,
həmçinin Almaniyada „orta və yaşlı nəslin təhsili“ mövzusu yeni deyil. Onun ideoloji tarixi
maarifçilik dövrünə, sosial tarixi isə burjuaziyanın feodalizmlə və proletariatın burjuaziya ilə
mübarizəsi dövrünə gedib çıxır. 19-cu əsrin ilk yarısından Avropada xalq təhsili
(maarifçilik) üzrə müxtəlif təşkilatlar yaranmağa başladı. Hazırda belə
təşkilatlar saysız-hesabsızdır.
Son 10 il ərzində Avropada milli və beynəlxalq səviyyədə “ömür boyu təhsil” (Lifelong Learning,
LLL), “təhsil hamı üçün” (Education for All, EFA) şüarları altında yaşlıların
təhsil günləri, konfranslar keçirilir. Belə tədbirlərin keçirilməsində məqsəd bu
ideyaları daha geniş kütlə arasında təbliğ etməklə ölkənin və cəmiyyətin
inkişaf yolunda onların aktuallığını və vacibliyini vurğulamaq, təcrübə və
məlumat mübadiləsi ilə yeni yaranmış vəzifələrin çözülməsi
yollarını müəyyən etməkdir.
Azərbaycan Respublikası müstəqilliyini qazandıqdan sonra ölkədə siyasi və iqtisadi
dəyişikliklər səbəbindən bir çox problemlər yaranmışdır, onlardan ən aktual
sayılan işsizlik problemilə yanaşı yeni bir promlem aktuallaşmaqdadır – keçid dövrü ilə
əlaqədar çox dəyişkən yeni əmək bazarının tələblərinə cavab
verən mütəxəssislərin çatışmaması, bir çox sahələr üzrə isə
tamamilə yoxluğu. Bu ondan irəli gəlir ki, müasir əmək bazarı əmək funksiyalarının
yerinə yetirilməsində insanların bilik və bacarığına yeni tələblər göstərir. Bu
səbəbdən bir çox insanlar, əsasən də orta və yaşlı nəslin
nümayəndələri öz təhsillərini başa vurmasına baxmayaraq sahib olduqları ixtisasları
üzrə bilik və bacarıqlarını yeniləşdirmək, ixtisaslarına birbaşa aid olmayan
əlavə bilik və bacarıqlarına və ya tamamilə yeni ixtisaslara yiyələnmək
məcburiyyəti ilə üzləşiblər. Digər bir tərəfdən isə məhz orta və
yaşlı nəslin nümayəndələri üçün nəzərdə tutulmuş və
əmək bazarında tələbatı olan peşələr üzrə qısamüddətli
ixtisasartırma və ixtisasdəyişmə kurslarının sayı çox azdır, mövcud olanların
əksəriyyəti isə keyfiyyətsiz təhsil verir. Və onu da nəzərə alsaq ki, dünyada qəbul
edilmiş fikrə əsasən hər il bilik və bacarıqların 20-30%-i və hər 5-8 il ərzində
isə tam peşələr köhnəlir, onda yaşlıların təhsili mövzusu inkişaf yolunu
seçmiş Azərbaycan üçün nə qədər aktual olduğu aydın görünər.
Məhz bu sahədə Almaniya Xalq Universitetləri Birliyinin Beynəlxalq Əməkdaşlıq İnstitutu
(İİZ/DVV) problemin həllinə qoşulur. Həyata keçirilən «Cənubi Qafqazda orta və
yaşlı nəslin təhsili» layihəsinin məqsədi cənubi Qafqaz regionunda orta və yaşlı
nəslin təhsilinə kömək göstərməkdir, yəni orta və yaşlı nəslin təhsili
sahəsində fəaliyyət göstərən və yaxud fəaliyyət göstərə bilən
təşkilatlara kömək göstərmək, yerli partnyorlarla məsləhətləşmələr
və əməkdaşlıq yolu ilə orta və yaşlı nəslin öz təhsilini davam etdirmək
və ixtisasını artırmaq üçün imkan yaradan təklif spektorunun genişləndirilmək.
Əmək bazarının siyasətindən irəli gələn və sosial durumla bağlı
səbəblərdən əsasən texniki peşə sənətləri üzrə ixtisaslarının
artırılması və dəyişdirilməsi sahələri ön plana çıxır.
2002-ci ilin oktyabr ayından İİZ/DVV «Yaradıcı Qadınlar Assosiasiyası» ilə
əməkdaşlıq edir. Bu əməkdaşlıq çərçivəsində bir qrup əlillər
üçün yaradıcı sənətlər üzrə (keramika, suvenirlər, toxuma, qurama,
xalçaçılıq) kurslar təşkil olunmuşdur. Tam şəklində İİZ/DVV
tərəfindən maliyyələşən bu kursları «Yaradıcı Qadınlar Assosiasiyası»
həyata keçirmişdir. Layihənin məqsədi ondan ibarətdir ki, əlil insanlar öhdəsindən
gələ biləcəyi sənətə yiyələnib qazanc əldə etməklə öz sosial
durumlarını yaxşılaşdırmaq üçün imkan əldə etsinlər.
Kurslar başa çatdıqdan sonra əl işlərinin satış sərqisi təşkil olunmuş və
bütün vəsaitlər əlillərin fonduna köcürülmüşdür. Bununlada layihənin
təsirinin davamiyyəti təmin olunmuşdurur. O səbəbdən ki, əlil insanların əldə
etdiyləri vəsait ilə onlar material alıb yenidən əl işləri hazırlayıb şəhərimizin
suvenir dükanlarında, həmçinin Hava Limanını Dutee-free dükanında realizə etmişirdər.
Layihənin olduqca uğurlu olmasını, kurs iştirakçılarının arzu və təkliflərini
nəzərə alaraq daha bir aylıq ixtisasartırma kursları və satış sərgisinin təşkil
olunması qərara alınmışdır.
Əl işləri üçün lazım olan bütün material xərclərini İİZ/DVV
maliyyələşdirdiyi üçün onların qiymətinə yalnız əmək haqqları daxil olacaq.
Fuad Muradov
Milli koordinator
|
|
