|
GÜZƏŞTLİ SATIŞ SƏRGİMİZ UĞURLA KEÇDİ!
ALMANİYA TƏHSİL SEKTORUNA
ƏLAVƏ KÖMƏK GÖSTƏRİR
IIZ/DVV-nin «CƏNUBİ QAFQAZDA ORTA VƏ YAŞLI NƏSLİN TƏHSILI» layihəsi
"ƏLİLLƏR ÜÇÜN YARADICI SƏNƏTLƏR"
 Hörmətli oxuyucular, məlumat
verdiyimiz kimi carİ ilin mart ayının 28-də saat 17:00-də Ə. Əlİyev (keçmiş Zevin küç.) 4/6-da
yerləşən «Bakı İncəsənət Mərkəzi»-ndə («Bakinskiy Tsentr İskusstv») güzəştli
satış sərgisinin açılışı keçirilmişdir.
Təşkil olunmuş satış sərgizi 3 ay davam edən gözəl bir ləyihənin
gözəl bir nəticəsi idi. Bu layihə iki təşkilatın əməkdaşlığı nəticəsində
mümkün olmuşdur. Bir tərəfdən, Almaniya Xalq Universitetləri Birliyinin Beynəlxalq Əməkdaşlıq
üzrə İnstitutu (İİZ/DVV) və digər tərəfdən, yerli QHT-ı «Yaradıcı Qadınlar
Assosiasiyası». Adı çəkdiyim təşkilatlar 2002-ci ilin oktyabr ayından əməkdaşlıq edirlər. Bu
əməkdaşlıq çərçivəsində bir qrup insanlar üçün 5 istiqamətdə yaradıcı
sənətlər üzrə kurslar təşkil olunmuşdur: keramika, milli üslubda suvenirlər, toxuma, qurama və
xalçaçılıq. Tam şəklində Almaniya Xalq Universitetləri Birliyinin Beynəlxalq Əməkdaşlıq
üzrə İnstitutu (İİZ/DVV) tərəfindən maliyyələşən və koordinasiya olunan bu kursları
«Yaradıcı Qadınlar Assosiasiyası» həyata keçirmişdir.
Layihənin məqsədi ondan ibarət idi ki, işsiz qalmış insanlar yeni sənətə
yiyələnməklə qazanc əldə edib öz sosial durumlarını yaxşılaşdırmaq üçün
imkan əldə etsinlər. 3 ay davam edən kurslar nəticəsində hazırlanmış bir sıra əl işləri
satış sərgisinə çıxarıldı. Sərgidən əldə olunmuş bütün vəsaitlər
isə tam şəklində təhsil almış insanların fonduna köcürülmüşdür. Və bununla
layihənin nəticəsinin davamiyyəti təmin olunmuşdur. O səbəbdən ki, insanların əldə etdiyləri
bacarıqlar və pul vəsaitlərilə onlar mateiral alıb yenidən əl işləri hazırlaya bilərlər.
«Yaradıcı Qadınlar Assosiasiyası» isə onlar üçün belə satış sərgilərinin
müntəzəm təşkil olunmasını öz öhdəliyinə götürür.
Onu da qeyd etməliyəm ki, əl işləri üçün lazım olan bütün material
xərclərini Almaniya tərəfi maliyyələşdirdiyi üçün onların qiymətinə yalnız əmək
haqqları daxil idi.
Sərginin açılışına, həmçinin səfirliklərin, xarici və beynəlxalq
təşkilat və müəssisələrin nümayəndələri dəvət olunmuşdur.
Açılışından sonra 2 gün də davam edən satış sərgisi uğurlu sayıldı.
O səbəbdən ki, sərgidə nümayiş etdirilmiş işlərin bir çoxu satıldı, kurs
iştirakçıları və alıcılar arasında əlaqələr yarandı, yeni sifarişlər verildi.
Fuad Muradov
Milli koordinator
|
